1.Մեր դիտարկումներով և կարծիքով շատ վարակներ, այդ թվում նաև կորոնավիրուսը(պսակավիրուս) ունի արհեստական ծագում և բավականին մութ նպատակներ: Սա արհեստավարժ փորձագետների համոզումն ու տեսակետն է:

Այն մշակվել է համաշխարհային ստվերային կառավարության փորձասրահներում և ծառայում է համընդգրկուն հրեշավոր ծրագրի իրականացման համար: Համացանցում տեղ գտան նյութեր, որ այն ԱՄՆ-ի գաղտնի ծառայությունների ստեղծածն է: Վարկածներն ու մեկնակերպերը տարբեր են, բայց միտումները՝ նույնը:

2.Կենսաբանական այս ահեղ պատերազմն ունի տնտեսական շատ հստակ նպատակներ՝ ոչնչացնել համաշխարհային տնտեսությունը և մարդկանց ենթարկել էլեկտրոնային ստրկության: Գուցե, սա չինակա՞ն ծրագիր է, որպեսզի հաստատվի համաշխարհային իշխանություն: Այն ծագել է Ուհան նահանգում և զարմանալիորեն արագ հաղթահարվեց: Եվրոպական երկրները վարակելը ևս մտածված էր. նպատակը այս շուկան շարքից հանելն էր:

3. Սա մարդկության համար հերթական ծանր մի փորձություն է, որը հարցեր է հարուցում: Հարցականի տակ է դրված մեր արժեքներից մեկը՝ կյանքը, որն աստվածային հասկացություն է: Համաշխարհային հետնաբեմը որոշել է մի քանի միլիարդ մարդ ոչնչացնել, որպեսզի հնարավոր լինի կառավարել ու շահագործել: Պետք է լինի կազմակերպված և խիստ մոբիլիզացիոն վիճակ, որպեսզի կարողանանք դիմագրավել ահեղ սպառնալիքներին: Կազմակերպվածության աստիճանը շատ բան է փոխում և ստեղծում դրական հույզերի դաշտ:

4. Հոգեբանական գործոնը և անխոցելիությունը կարևոր բաներ են ցանկացած խնդիր լուծելու և դժվարությունները հաղթահարելու համար: Մարդը ինքնակառավարվող համակարգ է և հասու է լուծել բազում բարդ հարցեր: Միայն թե դրա համար հարկավոր է ինքնաճանաչում և ներհայեցական մոտեցումներ: Ենթագիտակցությունը հզոր բան է: Հասարակությունը, ցավոք, դժվար է ընկալում այս հանրահայտ իրողությունը կամ էլ չի հասկանում ընդհանրապես:

5. Բնության մեջ և Տիեզերքում ամեն ինչ ներդաշնակ է և համակարգված: Անչափ էական են տիեզերական տեխնոլոգիաները, որոնք շատ բան են որոշում: Հոգևոր գործոնը և աղոթքները մեծ նշանակություն ունեն մարդու համար և զրահավորում են նրան վտանգներից: Հոգևոր իրողությունների գիտակցումը իրական կապն է Տիեզերքի հետ, որը կենսահաստատ արժեք ունի: Անգամ գոյություն ունեն բուժարարական և

պահպանիչ աղոթքներ, որոնք ներգործության հզոր ուժ ունեն: Մենք ունենք հոգևոր հզոր զենքեր՝ Գ.Նարեկացու մատյան-աղոթագիրքը, Աստվածաշունչը և այլն, որոնք կանխարգելիչ անզուգական ծառայություն են մատուցում մեզ:

6.Համաշխարհային ստվերային կառավարությունը ծավալում է նաև տեղեկութային լայնածավալ գործունեություն, որպեսզի թակարդներ լարի մարդկանց համար և կարողանա իրականացնել դաժան իր ծրագիրը: Այս առումով ֆինանասավորվում է լրատվադաշտի աշխատանքը, որոնք խուճապ և անելանելիություն են սերմանում՝ ներգործելով մարդկային հոգեբանության վրա: Իսկ ծախու լրագրությունը ծառայում է կեղծիքին ու խաբեությանը և մեծագույն մեղք է:

7.Սանիտարա-առողջաբանական հանրային բարձր գիտակցությունը կանխորոշում է շատ բան և դրական միտումներ առաջացնում: Մարդու վարքագիծն ու պահվածքը պետք է լինեն խելամիտ ու կշռադատված, հակառակ դեպքում նա կորցնում է ամեն ինչ, նաև առողջությունը: Հայերս միշտ էլ աչքի ենք ընկել մաքրակենցաղ վարքուբարքով և գիտակցված նիստուկացով: Հավատի հարցը մեզնում եղել է առողջ ապրելակերպի երաշխիք ու պարտադիր պայման: Հիմա մնում է այդ ամենը վերականգնել և վերահաստատել:

8.Ուշագրավ է, որ հարձակումը մարդկության վրա համապարփակ է և բազմակողմանի: Հատուկ նպատակով թուլացվում և դժվարացվում են մարդկանց և պետությունների միջև կապերը, որպեսզի տնտեսական և սոցիալական աղետներ սադրեն: Նպատակն ավելի քան պարզ է. աղքատացնել մարդկանց, նրանց դարձնել կրավորական, մատնել սոսկալի թշվառության և ոչնչացնել կամ էլ դարձնել ավելի կառավարելի:

9. Այս վարակի ստեղծողները նպատակ ունեն նաև վայրենացնել և օտարացնել մարդկանց: Արդեն որոշ երկրներում դիտվում են բռնություններ կասկածելի և վարակակիր մարդկանց նկատմամբ: Մենք կորցնում ենք բարոյական և մարդկային նկարագիրը՝ վերածվելով անգիտակից արարածների: Իսկ սա քաղքակրթության վերջն է: Մի ուշագրավ իրողություն աչքի է զարնում: Եվրոպայում ծագել է վարակի օջախի մի նոր կենտրոն Իտալիայում, որից հետո այն անցել է Իսպանիա, Ֆրանսիա և Գերմանիա: Սրանք բոլորն էլ արիական երկրներ են, նաև Իրանը:

10.Մեր կարծիքով՝ նման բարդ վիճակները կարող են մեկնարկ լինել դրական քայլերի և ցանկալի հետևանքների համար: Այնպես որ, պետք է առավել ուշադիր և սթափ լինել ու արագ որոշումներ կայացնել: Կացության ճկուն ընկալումը և անկոտրում կամքը կարող են խաղի նոր կանոններ սահմանել ու ազդակ լինել նոր զարգացումների համար: Սա այնքան էլ ֆանտաստիկ ու ցնորական մի բան չէ, այլ իրավիճակի խոր

վերլուծություն և սեփական ուժերի նկատմամբ լրացուցիչ վստահության աղբյուր: Դրական էներգադաշտը և լավատեսական միտվածքն ապահովում են միայն դրական բեմագրեր ու առավել ևս իրագործման ցանկալի ելքեր:

Ռուբեն Նահատակյյան. վերլուծաբան

03.03.2020թ.